“EuroCup” mövzusunda mobil proqram müsabiqəsi elan olunur

“Hackathon Azərbaycan” layihəsi çərçivəsində daha bir yarışmaya – “EuroCup” mövzusunda mobil proqram müsabiqəsinə start verilir.

Müsabiqədə Android platforması üçün Azərbaycan və ya ingilis dilində yazılan tətbiqlər (Applar) yarışacaq. Müsabiqədə iştirak şərtləri barədə ətraflı məlumatı hackathonazerbaijan.org saytından əldə etmək olar.

Ən yaxşı tətbiq yazmış şəxslər müsabiqənin baş sponsoru Samsung şirkətinin nümayəndələri və layihənin baş meneceri Rəşad Əliyev tərəfindən qiymətləndiriləcək.

Ən yaxşı tətbiq yazmış qalibə Samsung Galaxy Tab 10.1 hədiyyə ediləcək. Bundan əlavə, əgər yazılan layihələr yüksək səviyyəli olarsa Samsung şirkəti smartfonlarında o tətbiqləri yerləşdirəcək. Bu tətbiqlər smartfonlarda əsas proqramlar siyahısında olacaq.

Müsabiqədə iştirak üçün proqram təqdimatlarının son müraciət tarixi 26 aprel 2012-ci il nəzərdə tutulub. Bu tarixə qədər tətbiqlərinizi eurocup@hackathonazerbaijan.org e-poçt ünvanına göndərməyiniz zəruridir.

Təqbiqin əvəlində Hackathon Azerbaijan və Samsung loqoları olması vacibdir. (Loqoları burdan yükləyə bilərsiz)

Hackathon – hacker neologiyasıdır – proqramistlərin birləşərək müxtəlif problemləri həll etdikləri, lahiyələr hazırladıqları və yarışdıqları tədbirlər silsiləsidir. Hackathonun əsas mahiyyəti keçirildiyi müddət ərzində müxtəlif proqramların və alətlərin yaradılması, bununla da proqramçı və hackerlərin öz aralarında rəqabət şəraitində biliklərini yoxlamaq və yeni biliklər qazanmaqdır.

Hackathon Azerbaijan sözügedən hadisənin Azərbaycanda təşkil edən bir lahiyədir. Baku Google Technology User Group tərəfindən yaradılan bu lahiyənin əsas məqsədi yerli proqramistlərin və texnologiya həvəskarlarının öz biliklərini yoxlaması, bir-biriləri ilə yarışması, yeni və praktiki biliklər əldə etməsini təmin etməkdir.